Туган як турында әңгәмә «Татарстан . Без бергә = Мы вместе»

О выставке

Балалар китапханәсе – 3нче филиалда Татарстан республикасы көне уңаеннан «Татарстан – минем Ватаным» дип аталган китап күргәзмәсе янында әңгәмә узачак. Китапханәче  балаларны  бәйрәмнең тарихы белән таныштырачак. «Татарстан.  Без бергә  = Мы вместе» китабы турында сөйләячәк. Китап Татарстанның иң күп санлы халыклары – татарлар,  руслар, чувашлар, удмуртлар һәм башка халыкларның күптөрле, гаҗәеп мәдәни дөньясы белән таныштыра.  Балалар халыкларның  милли киемнәре, гореф – гадәтләре, традицияләре, теле, милли ризыклары белән танышачак. Балалар  төрле халыкларның мәкальләрен  искә төшерерләр, бәйрәмнәрен, милли ризыкларын  санап узарлар.   Әлеге китап Татарстан халыкларының күп гасырлардан килгән бер – беренә карата булган  ихтирамын һәм  дуслыгын чагылдыра. Безнең көчебез  Ватаныбыз өчен горурлыгыбызда  шушы бердәмлектә бит.